ডিব্ৰুগড় ব্লাড ড'নাৰ্চ ফ'ৰামৰ উদ্যোগত বিশ্ব এইডছ্ দিৱস পালন
নৱ কুমাৰ ভৰালী, ডিব্ৰুগড়, ২ ডিচেম্বৰ
সমগ্ৰ বিশ্বৰ লগতে ডিব্ৰুগড় ব্লাড ড'নাৰ্চ ফ'ৰামৰ উদ্যোগতো এই বিশ্ব এইডছ্ দিৱস শুকুৰবাৰে পালন কৰা হয় ৷ এই দিৱসত এইডছ অৰ্থাৎ একুৱাৰেদ ইমিওন ডেফিছিয়েনচি ছিণ্ড্ৰম ৰ ভয়বহতা সম্পৰ্কে গোটেই বিশ্বজুৰি নিৰাপদ যৌন সম্পৰ্কত সাৱধানতা, ৰক্তৰ ব্যৱহাৰত সচেতনতা আৰু সজাগতা সৃষ্টি কৰাৰ লগতে এই দিনটো এইডছ ৰোগত ভুগি মৃত্যু বৰণ কৰাসকললৈ সমৰ্পণ কৰি অহা হৈছে।
উল্লেখ্য যে, অগ্ৰণী সংস্থা ডিব্ৰুগড় ব্লাড ড'নাৰ্চ ফ'ৰামে এই দিৱস উপলক্ষে থানা চাৰিআলি শান্তিপাৰাৰ পৰা চৌকিডিঙ্গী লৈকে এক সজাগতা সমদল বাহিৰ কৰে। সভাপতি ড০ খনীন্দ্ৰ মিশ্ৰ ভাগৱতী, আহ্বায়ক আশু পাল, প্ৰিয়ংকা দাস ,অনিমেশ দাস,শ্যামল মাজি ,শোভন দাস আৰু পল্লৱ চক্ৰৱতীৰ তত্বাৱধানত হাতে হাতে প্লে'কাৰ্ড,বেনাৰ সহ বাহিৰ কৰা এই সমদলত শতাধিক শিক্ষাৰ্থীৰ লগতে ডিব্ৰুগড় বিশ্ববিদ্যালয়ৰ সাংবাদিকতা অৰু গণসংযোগ অধ্যয়ন কেন্দ্ৰৰ কেবাজনো ছাত্ৰই অংশগ্ৰহণ কৰে।
শুকুৰবাৰৰ দিনটোত সমগ্ৰ বিশ্বতে এইডছ দিৱস পালন কৰা হয় ৷ প্ৰতিবছৰে ১ ডিচেম্বৰৰ দিনটোত পালন কৰা হয় এই দিৱস। ১৯৮৮ চনৰ পৰা পালন কৰা এই দিৱস এইডছৰ ভয়বহতা সম্পৰ্কে প্ৰচাৰ কৰা হয়৷ সমগ্ৰ পৃথিৱীজুৰি চৰকাৰ, স্বাস্থ্যকৰ্মী, বেচৰকাৰী সংস্থা আদিয়ে এই দিৱস পালন কৰি এইডছ প্ৰতিৰোধ আৰু নিয়ন্ত্ৰণৰ শিক্ষা প্ৰচাৰ, প্ৰসাৰ কৰে ।
No comments:
Post a Comment